السبت، 22 نوفمبر 2008

الكيك الليلة , الليلة , الليلة , ليلة عيده!!!!!ترالا ترالا ترالا


بنات ,, ولاد ... كله يجمع انهاردة محاضرة ,, بقالنا كتير بنرغى ,, يالا بقه نخش فى الجد ...
الجايه دى محاضرتى فى الكيك هنزلهالكم مجانا و exclusive على رأى عمرو أديب باشا...فلما تلقونى قلبت لغة عربية مش عايزاكم تتخضوا لأنها محاضرة و زى ما انتوا عارفين لازم نلم الدور , يالا بينا...
الوصفة الأساسية للكيك البسيط:-
المقادير:
- 3 كوب دقيق متعدد الإستخدام
- 1 كوب: زيت / سمن + زيت / زبد + زيت / زبد
- 4 بيض أحمر / أبيض أو 5 بيض بلدى
- 1باكو B.P. (Baking Powder )
- 3 /4 1 كوب سكر بودرة أو 2 كوب حسب الرغبة
- 1 كوب لبن /لبن + عصير برتقال /عصير برتقال
- بشر برتقالة كاملة
الخطوات:
- يجب قبل البدء مراعاة أن تكون كافة المكونات بدرجة حرارة الغرفة / نخل الدقيق و إضافة الB.P. عليه ،تسخين الفرن قبل وضع الكيك ب 10 دقائق.
- يضرب الزبد مع السكر البودرة حتى يصبح الخليط كالكريمة و فاتح اللون
- يضاف البيض بيضة تلو الأخرىمع الضرب جيدا
- تضاف الفانيليا + بشر البرتقال مع أخربيضةلإضفاء نكهة للكيك
- يضاف 1/2 مقدار الدقيق يليه1/2 مقدار اللبن(السائل) و يقلب بملعقة معدنية حتى يتجانس
- يضاف النصف الأخر من الدقيق و اللبن و يقلب الخليط مرة أخرى
- يتم تبطين القالب بدهنه جيدا بالزيت أو السمن و رشه بالدقيق
- يصب الخليط على ألا يتجاوز 2/3 حجم الإناء
- يدخل فى فرن درجة حرارته 180 o م سابق التسخين
تنويعات:
1- شكل الكيك:
يمكن التنويع فى شكل الكيك حسب شكل الإناء قد يكون مستدير ring mould أو قالب pound cake أو قوالب فردية cup cakes و يوجد أشكال أخرى فى السوق


2- الطعم و النكهة:
- نكهة البرتقال و الليمون و نحصل عليها من خلال بشر قشرة الثمرة و إضافة عصيرها مع الإلتزام بالمقادير السابقة
- فانيليا / كاكاو حيث يضاف الفانيليا على العجينة الأساسية أثناء ضرب البيض وبعد الإنتهاء من خلط الدقيق تقسم العجينة إلى قسمين ،قسم يخلط ب 2 م.ك كاكاو غامق أو حسب الرغبة مع إضافة م. ك لبن إضافية للخليط المضاف له الكاكاو و تصب العجينتين بالتوالى و يمكن تبديل الكاكاو بالقهوة سريعة الذوبان
- القرفة وتضاف أثناء خفق الزبد مع السكر حوالى 1 م.ك قرفة
- عين جمل مطحون / أو بندق لكيك الشيكولاتة
3- الشكل و الطعم:
وذلك بإضافة شكل جديد من خلال مكونات فرعية تعطى طعم مختلف فى كل مرة مثل :
الشيكولاتة الحرارية chocolate chips ،الزبيب ،الكريز المسكر ،الفواكه المسكرة المشمشية و القراصيا، المكسرات المجروشة خشن.
يراعى قبل وضع هذه الإضافات رشها بالدقيق و نخلها للتخلص من الدقيق الزائد و تضاف مع الدقيق و فى هذه الحالة يراعى التقليب برفق حتى لا تهبط المكونات أسفل القالب.

وصفة ال Olive Quick Bread :
وهى وصفة مبتكرة لكيك حادق يصلح للإفطار أو كصنف حادق على بوفية شاى High Tea .
المقادير:
- 315 جرام دقيق - 2 م.ك B.P - 2 م.ك سكر
- ذرة ملح - 2 بيضة كبيرة - 170 مل لبن
- 2 م.ك نعناع طازج أو مجفف مطحون - 90مل زيت نباتى
- 155 جرام زيتون أسود شرائح أو (50 جرام زيتون أسود + 50 جرام بسطرمة أو سلامى مقطع رفيع جدا + 50 جرام رومى مبشور)
الخطوات:
- ينخل الدقيق و يضاف له ال B.P و السكر و الملح و تقلب المكونات
- نعمل حفرة فى الوسط و نضيف البيض و اللبن و الزيت ثم نقلب مع إضافة الزيتون
- تصب فى قالب الكيك المبطن و تدخل فى الفرن سابق التسخين 180 o م.

ملحوظات هامة:
- لا يفتح الفرن اطلاقا أثناء عملية طهى الكيك
- للتأكد من تمام نضج الكيك نضع Skewer أو سكين إذا خرج نظيفا يكون الكيك قد نضج
- يترك الكيك ليبرد بعد خروجه من الفرن حوالى 5 دقائق ثم يقلب على الwire rack شبكة لكى يبرد
- يمكن حفظ الكيك فى علبة محكمة داخل الثلاجة لفترة طويلة
- يمكن حفظ الكيك فى الفريزر بلفه فى ورق فويل و وضعه فى كيس محكم حتى لا تتسرب له أى روائح أخرى.


مدام شهيرة عبد الفتاح

يالا محاضرة ببلاش , استغلوا الفرصة و ذاكروا كويس و اعملوا ال !!!Devoir

فى البوست اللى جاى مفيش غير صور تطبيق الكيكة دى ,, يالا كله يدخل فورا!!!

هناك 5 تعليقات:

غير معرف يقول...

تسلم ايدك يا شوشو على الكيك الجميل وانا شخصيا استفدت من طريقتك فى المرحلهاللى بخلط فيها نص كمية الدقيق مع كمية اللبن وكمان اضافة الفانيليا مع اخر بيضه علشان الطعم
بجد ميرسى ليكى
ان شاء الله الكيكه اللى جايه حطبق واوريكى
لكن بالنسبه للدقيق انا مقادير زى مقاديرك لكن الدقيق انا بحط كبايتين وانتى بتعمليها بتلاته يا ترى العجينه بتكون تقيله ولا ايه اصل انا عجيتنى بتكون معقوله والكيكه لما بتستوى بتبقى حلوه وهشه
لما اضيف الكوب الثالث مش حيفرق كتير ولا ايه؟
ياريت تقوليلى علشان اعملها بكره ان شاء الله

Chahira Daoud يقول...

سماح جربيها فى نص الكمية و ان شاء الله تعجبك و العجينة فعلا مش هتبقى سايلة الا لو كان اختيارك انك تعمليها بزيت و اديكى شفتى تطبيق اليمان و ان شاء الله تعجبك و تدعيلى كمان جربى الصنف الحادق هيعجبكم اوى و بالهنا و الشفا مقدما و يا ريت برضه تبعتى الصورة من بره و من جوه و تعليقاتك و لو فى حاجة جبيتى تضيفيها على الوصفة... تبقى مشكورة جدا, ميرسى يا سماح على اهتمامك و تفاعلك معايا على البلوج المتواضع.

غير معرف يقول...

ميرسى يا شوشو
ان شاء الله اجربها وأقولك على النتيجه
وكمان حجرب الكيكه الحادقه فى قالب صغير واقولك ايه الاخبار
البلوج بقه تحفه جدا ماشاء الله متقوليش متواضع ده انتى اللى متواضعه

غير معرف يقول...

ااام واضح من الدرس ان الكيك رائع لازم امر للتطبيق و انشاء الله اعطيك النتيجة
جهينة

غير معرف يقول...

انا هجربها ان شاءالله بسكنت عايزة اعرف ضرب البيض يكون بالمضرب العادى ولا الكهرباء لانى خايفة اضربها بالكهربا تطلع اسبونج ومتشكرة ياقمر
ومتشكرين جداااا على ذوقك واهتمامك

ممكن كمان تعجبك المواضيع دى...يالا بينا ...

Related Posts with Thumbnails