الاثنين، 20 أبريل 2009

حسنه هانم حرم حسن باشا شرفت يا بنات!!!!

فرمان عثمانى عااااااجل !!!
حضرة حسنه هانم حرم حسن باشا شرفت ... كله يكون فى شرف استقبالها يا هوانم و يا بهوات...روزا هانم نزلت كفته من فترة اسمها حسن باشا... هذا الطبق اوحى لى بفكرة طبق تااانى!!! شوفوا الصورة و بعدين اقولكم عملتوا ازاى؟؟؟؟

ندخل على الطريقة:- اولا اللحمة انا حطيت نص كيلو لحمة و عليهم بصلة كبيرة + 2 بيضة +كوب الا ربع بقسماط و اضفت عليها صوص باربكيو و ملعقة صلصة. و عجنتها و فرشت قالب التارت اللى قاعدته متحركة بالفويل. و بدأت افرد اللحمة اللى اصبح كفته متماسكة على ارض القالب و جوانبه.. و بعدين حضرت البطاطس..البطاطس للحشو:- 1 كيلو بطاطس سلقتهم بقشرهم و بعدين هرستها يدوى و اضفت لها ملعقة كبيرة زبدة توم و 2 بيضة و ملح و فلفل و ملعقة مستردة.. و وضعتها فى كيس الحلوانى و عملت وردات و خبزت القالب بالفرن على نار متوسطة اميل للارتفاع...و فى الاخر شوحت شويه فلفل احمر فى قليل من زيت الزيتون و بعد ما طفيت النار اضفت 2 ملعقة بقدونس و رشيت الكل على قالب التارت بتاعى... و بس كده..بهدى الطبق ده لروزا هانم لأنها فعلا ست الهوانم و طبقها الجميل اوحى لى بفكرة الطبق ده اللى قعدنا ناكل فيه تلاته ايام ...قدمت الطبق ده مع سلطة بنجر و بسكويتس امريكى بالجبن الشيدر و صلطة خضراء..جربوه هيعجبكم جدا!!!

هناك 6 تعليقات:

غير معرف يقول...

ما شاء الله بلوج شهي و محتوى أكثر من رائع يا شهيرة ..سلمت يداكِ
.
.
من فترة عرفت مركز نسائي بالأسكندرية و أعجبنتني أنشطته و هو اسمه مركز أشرقت و هذا هو موقعه

http://www.ashraqat.com

بصراحة تمنيت لو أعطيتي هناك دورات في المخبوزات سأشترك فيها فوراً
عرفت انهم يعملون في الأطباق الرئيسية
و هذه صورة من جروبهم على الفيس بوك

http://photos-a.ak.fbcdn.net/hphotos-ak-snc1/hs024.snc1/3108_1032860195208_1636521350_106576_7501705_n.jpg

صبرني يارب يقول...

لا ده تهريج جامد جدا على فكره

ازاي تكوني موجوده على هذا البلوج وانا ما اعرفش بجودك

ريم الله يصلح حالها الى قالتلى عليكى لما سألتها على مدونات مطبخيه عشان انا باحب المطبخ

شكلك مدونتك جميل اوي يا قمر ان شاء الله نكون زباين دايميين

انا باموت فى الاكل الاسكندراني عايزاكي تظبطينى بقى

وبالنسبه للصنف الى عملتيه ما شاء الله جميل

انا عملته قبل كده على فكره بس بالعكس يعنى البطاطس هى الى كانت تحت
وبعدين كنت عامله اللحمه عصاج

هو زي ما تقولي كده انا عملت بيتزا بس بطاطس بدل العجين

تحياتي ليكى
وزورينى بقى فى المطبخ بتاعي

Chahira يقول...

يا رب....يصبرنى و يصبرك و يصبر كل المطحونين...دمك خفييييف و عايزة حد دماغه عاليه يقرا و يتابع..اسلوبك لذيذ.
تسلم ايدك و ميرسى على الزياره.
و ابقى تعالى و هعملك حاجه حلوة.

شهيره يقول...

الى غير المعرف هانم
انا يا ستى كنت فعلا بدرس فى اشرقت بس اعتزلت و بشتغل من منازلهم. تصفحى المدونه هتتعرفى على الدورات و كل التفاصيل التانيه.
ميرسى ليكى كتيير على كلامك الحلو

غير معرف يقول...

Thanks chahira

غير معرف يقول...

تسلم ايدك يا شوشو..حاجه تشرف جدا جدا !!

ممكن كمان تعجبك المواضيع دى...يالا بينا ...

Related Posts with Thumbnails