يالا بسطرمه
Pastrami او بسطرمه نوع من انواع اللحم المقدد و تختلف طريقه تصنيعه بين الغرب و الشرقيعن البسطرمه على الطريقه الغربيه غير الطريقه الشرقيه اللى اتعودنا عليها و على ريحتها الحلوة .فى مصر ..وطنى و موطنى و همى الاكبر....بنموت فى البسطرمه و بنحب دايما ان تلاجتنا ما تفضاش منها...و الان و رغم اسعرها اللى اصبحت تطاول العناء بنروح برضه و نشترى حتى و لو تمن كيلو ..الكيلو يا حلوين وصل الى 87 جنيه...اه ياااانىو البسطرمه ليها طرق كتير للتقديم و بنحب ناكل البيتزا بيها و يا سلام على طاسه بيض بالبسطرمه ..الصبح أو بالليل ..كله حلو و رغم تعدد طرق طهيها الا انى لن اخفى عنكم سراااااااانا عندى حته بسطرمه محترمه و نيه من غير تجهيز او طهى فى رغيف عيش فينو مقرمش و سخن ..الفيلم ده بالنسبه لى قمه المراد..و مش عايزه اقولكم الادمان و بالذات و انا حامل و طبعا مش المفروض انى اكل اى حاجه نيه فكنت بحمرها و بنفرد بيها لوحدى.طيب بنعمل بيها ايه...بيض بالبسطرمه ..بيتزا و كمان عيش بالبسطرمه و اصناف ساليزونات لا اول لها من اخر.
طيب ندخل على الطريقه الشرقيه للبسطرمه
قطعه لحم من عرق التلبيانكو ""بتاع الروزبيف و اللحمه البارده" ووزنه طبعا بيكون لحد 3 كيلو انا عملت قطعه وزنها 2 كيلو .نص كيلو حلبه حصى4 رؤؤس ثوم.4 ملاعق كبيره بابريكا او فلفل بقالى ملح للغرض الذى سوف اذكره فقط الطريقه..اولا تغسل قطعه اللحم بس لا تغالى فى الغسل مجرد شطف..ضعى قطعه اللحم على شبكة و نشفيها بفوطه نظيفه ..انا استخدمت فانله قديمه من بتوع زوجى ههههههه اسرااااار عائليه نشفى قطعه اللحم جيدا و غطيها بقطعه قماش اخرى جافه..و بعد ساعه كده هاتى ملح كتيييير و ابدئى دلكى قطعه اللحم بها جيد و رشى ملح كويس على كل الجهات...غطيها بحته تل... و حطى عليها الهون او تقل اى تقل حتى و لو حله مليانه ميهسيبيها يوم...هتلاقيها بتنزل ميه لونها روز شويه صفيها ..المرحله دى تستغرق يومتانى يوم قومى بغسل العرق الفلتو.... و نشفيه كويس و غطيه و هو برضه على شبكه يوم كمان....ما تخافوش مش هتشموا اى روائح و لا العمليه دى فيها اى حاجه تقرف او تضايق...بعد مرور اليومهتاخدى الحلبه و تطحنيها ناعم او لو قدرتى تشترى الحلبه مطحونه يبقى اسهل لك...طيب الحلبه بودرة و عليها التوم الطحون او المدقوق ناعم جدا و عليهم البابريكا و بس مش مطلوب و لا ملح و لا شطه و لا اى اضافات تانيهو اعجنى المكونات بشويه ميه لحد ما تحسى ان المزيج ده تقدرى "تجبسى " بيه عرق اللحمه...هههههههكان نفسى ابقى دكتوره و فشلت... هههههههه..انا بهذر مش بقدر حتى اشوف الدم... ركيكه المشاعر.ماشى جبسوا اللحمه و تعالوا بعد التجبيس اعملوا خرم او فتحه فى اعلى العرق و دخلوا جواها دباره لو عندك ابره منجد تقدرى تعملى الشغلانه دى...و ده علشان نقدر نعلقها يا حلوين.طيب لا انصح ابدا بغسل اليدين بعد هذه المرحله ..روحى و بمنتهى الرقه حطى ايدك على انف زوجك و اللى نايم غلبان ان ما قام مذعور ما بقاش انا شهيره....ههههههههه...و يا سلام الجيران هيحسوا ان فيه بقال فتح فى العمارة او ان معمل بسطرمه برضه فتح تحت العماره..مالهاش حل يا نااااس ريحه حلوة انا بحبها..طيب هنعلق العرق جنب الشباك فى المطبخ و بعد اسبوع....اعزمى العيله و عيلة العيله و اختارى ضيف شرف يقص الشريط ههههههه و بألف هنا و شفا...يالا على الصور يا كتاكيت..
.تمت و كمان كام يوم لما تستوى هنقطع و نذوق و نفرق كمان على الحبايب ..ههههه...انا هنا استخدمت سمانه علشان مالقيتش عرق فلتو و كله ماشى بس انا بفضل العرق ...يالا اشوفكم على خير يا كتاكيت.
هناك 8 تعليقات:
Marhaba Chahira Al Khabira
Kifik Ya azizati, Your Bastirma looks very delicious, can I have the recipe in English, I am trying to understand some of the Arabic words and the spices, but It's a bit hard.. I am interested to learn your Bastirma... I dont know if this similar to our Bastirma... and its not cooked right???
good job ya shoushou
الدورات بتاعتك مفيده جدا يا شهيره
الله يبارك لك يا رب
ربنا يعيني و اقدر اتعلم منك ان شاء الله
و ربنا يبارك فيكي و يجازيكي عنا كل خير
والله انتي مفترية جدا بس في نفس الوقت ست عسووووووووووولة جدا ودمك خفيف جدا أنا بهزر طبعا
أنا قصدي على الحتة اللي بتقولي فيها : لا انصح ابدا بغسل اليدين بعد هذه المرحله ..روحى و بمنتهى الرقه حطى ايدك على انف زوجك و اللى نايم غلبان ان ما قام مذعور ما بقاش انا شهيره..
أنا هلكت من الضحك لما قريت المقطع دا
شكرا جزيلا بصراحه كان نفسي فيها من زمان
اقصد البسطرمه حبيبتي
واتمني نكون اصدقاء انا فاتن من إسكندرية وحاليا مقيمه في أوسلو
وياريت تقوليلي إزاي اضيف مدونات عندي زي مدونتك ومدونه مدام سلاموني وغيرها
جزاكى الله كل خير يارب والله ى مش عرفين نعمل من غيرك ايه
جزاكى الله خيرا
إرسال تعليق