السبت، 4 أبريل 2009

كل سنه و انتى طيبه يا ملوووووكه !!!!

عيد ميلاد ملوكه كان يوم 31 مارس بس نظرا لاصابات تعرضت ليها "اصابات عمل تعرضت ليها و مش متأمن عليا علشان أنا ست بيت"..ما علييينا...اضطرينا نأجل عمل التورته و بالتالى الاحتفال.
و لما ربنا سهلها و عرفت أشتغل توكلت على الله...و كان الوحى و الفكره اللى كانت بتلح عليا اوى...هى شخصيه كارتونيه لذيذه أوى اسمها "Charlotte de fraises" أو بالانجليزى "strawberry shortcake" و هحط ليكم فيلم فيه الشخصيه دى علشان تعرفوا ازاى هى اوحت لى بالفكره و التصميم بتاع التورته.
مليكه كانت عندها رغبه شديده بالاحتفال بعيد ميلادها فى المدرسه يعنى برضه بتصعب عليا المهمه....لأنى كده سوف اضطر اعمل كميات تكفى الفصل..ماشى يا ستى.. و بدأت الشغل ..أول حاجه عملتها كانت الكيكه الاسفنجيه المطلوبه للتورته و كان اختيارى كيكة شوكولا ..."مين ما بيحبش الشوكولا؟؟؟" و بعدين تانى يوم عملت الفوندان و المره دى عملت فوندان من حلوى المارشماللو..و بما انى بعمل المارشماللو فى البيت فعملت مارشماللو علشان اعمل الفوندان...و بدأت ألون.....أأأأأأأه يانى !!! و الاصابه حصلت لى و انا بعمل المارشماللو ايدى انقطعت بالسكينه و لم اشعر و لقيت منظر مش قادرة اوصفه...خط احمر قاتم الاحمرار يسيل على لون المارشماللو الابيض والله كان منظر عايز يتصور ..بس ايدى كانت بتشر دم يا جماااعه هصور ازاااى؟؟؟
تالت يوم ..بدأت ازين التورته و طبعا حشيت طبقاتها بجاناش بالكراميل و الفروستينج كان" mousseline buttercream" و بدأت احط تغطية الفوندان و كل ده أخد منى 9 ساعات شغل متواصل لما رقبتى اتلوحت بجد .و خلصت التورته بعد محاولات جهيده من ياسين و مليكه للتسلل الى المطبخ و اصراار تام من لحس بواقى الكريمه مباشره من وعاء الميكسر..قلنا مااااشى..هو أنا عندى اختيار تااانى؟؟؟و اعداد التورته اخد منى كل الوقت ده لأنى بصراحه مش كل يوم بعمل تورته و ده اللى بيخلينى بطيئه شويه.. و كمان رغبتى فى انى اعمل كل حاجه و ما اجيبش مثلا الفوندان الجاهز اللى ما لهوش و لا طعم و لا ريحه ..سكر و بس.
و أدى التورته اهه جهزت..و معاها شارلوت....




و كان فاضل أعمل حاجه حادقه...فعملت ساليزون من القنافد..يا حلاوتهم يا جمالهم...
و غزت القنافد مطبخى !!!

لا و ايه عامله معركه!!!
بس فى وسط الزحمه ..اتولدت قصة حب....!!!
ياترى كانوا بيقولوا ايه؟؟؟؟؟
و لبست القنافد كلها و اتشيكت علشان تروح مدرسة مليكه و تحتفل...
و أدى مليكه فى الفصل بتطفى الشمع و اصحابها بيغنولها....



و كمان مع المدرسه....مدام أمانى و مادموازيل ساره.... و خلاص خلص اليوم و أدى حال المطبخ بعد ما اتنضف ييجى خمس مرات و فى الاخر سيبته و نزلته و ده كان لاااازم و الا كنتم هتلاقونى فى المرستان. لأن زى ما اليوم خلص أنا كمان خلصت ..... يالا كل سنه و انتوا و احنا طيبين !!!
اه نسيت احط شكل التورته يعد التقطيييع...طعمها كمان كان زى شكلها ..حلو اوى "راضيه عنها انا المره دى "هههههههه

يا فرااااو لااااتك يا شوشو...هههههه...بشجع نفسى ""أمراض نفسيه بقه بعيد عنكم"" !!!!


أهه أغنية Charlotte اللى كتر خيرها جانى منها الوحى..يالا علشان تتسلوا شويه بعد القصه الطوييييله العريضه دى.....



http://www.youtube.com/watch?v=HuHv12mMu3E



هناك 6 تعليقات:

Summer يقول...

كل سنه و مليكه و ماماتها, و باباها, و ياسين بألف خير, و عقبال 1000 سنه يا رب.
منظر الكيك مش معقول....آوت اوف ذيس وورلد!!! الله يعطيكي العافيه و الصحه و دايما تتحفينا و تتحفي عائلتك بأكلك اللذييييييييذ.

Chahira يقول...

ميرسى يا سمر..الله يخليكى..انتى اللى شجعتينى اخد القرار و اقعد فى البلوج بتاعى و أعمره...وفعلا عندك حق..مش عارفه اشكرك ازاى؟؟
و ربنا يعطيكى الصحه و العافيه و يبارك فيكى و فى كل الناس اللى بتحبيهم...بوسه كبيييييره ليكى يا أحلى سمر.

غير معرف يقول...

كل سنة ومليكة الجميلة طيبة وبخير
وانت كمان يا احلى شوشو
بجد بجد التورتة روعة اللهم باااااااااارك يارب
اكتر من الروعة والله العظيم
تسلم ايديكي وعنيكي يارب
ويارب يخليلك مليكة وياسين وكل حبايبك

فاطمة ام حبيبة وحلا

Chahira يقول...

ميرسى يا فاطمه الله يخليكى..تسلمى حبيبتى و ربنا يخليلك كتاكيتك .

روح البيت يقول...

كل سنة وأنتم كلكم بألف خير
وحقيقى تحفة وروعة كل ماتقدمينه وسلامى لكل أهل اسكندرية

غير معرف يقول...

السلام عليكم

ما شاء الله يا شهيره فعلا شغل راءع
انا باحب اوي اوي اشتغل بنفسي برضه
بس الساليزونات شكلها تحفه من فضلك تكتبي الطريقه
و التورته ما شاء الله راءعه ربنا يحميكي
انا بعت اللينك للبلوج لكل البشر اللي اعرفهم لانه فعلا يستاهل
spanishflower

ممكن كمان تعجبك المواضيع دى...يالا بينا ...

Related Posts with Thumbnails