ايوه منظمه الخبازين اللى ما بيخافوش من حاجه ....أبدا!!!
وصفه المرة دى سهله جدا جدا هى عبارة عن وصفه بسكويت زى بسكويت الجوفريت او السيجار بالشوكولا او بسكوت الايس كريم ...الفكرة فى التشكيل و الابداع فى العرض و كانت المهمه اننا نقدمه مع طبق حلو قائم على الفواكه و الكاسترد ...
محسوبتكم طقت فى دماغها الفكرة ...عملت طبق رز بلبن و نكهته بالمستكه و ماء زهر البوصفير و كمان بالحبهان و على الوش زينت بالفاكهه ..اناس و كيوى و فراوله مع رشه عسل ابيض و كمان بوله ايس كريم فانيليا و فراوله....يعنى اقدر اقول ان الطبق ده تزاوج فى النكهات ما بين الشرق و الغرب.حاجه كده full option !!!!
شفتوا بقه احلى من كده ..؟؟؟ نيجى للبسكويت ..طبعت رسمه حشرة طائرة اسمها dragonflyو اسمها بالعربى تقريبا ابودقيق و ممكن برضه لو فى حد بيطرى او زراعه يكون عنده رأى تانى.. طبعت الورقه و فرغت الرسمه على ورق ستنسيل و و فرشت فيه العجينه اللى بتبقى شبه سايله على لوحة السيليكون و خبزتها و اول ما طلعت تنيتها علشان تاخد شكل الحشرة...
و عملت اشكال تانيه كتير هتشوفوها فى الصور.الفكرة انى مش قادرة ابطل لعب بالخامه دى...لسه فى ابتكارات كتييييير فى دماغى عايزة اعملها...
يدينى و يديكم طولة العمر .
هناك تعليقان (2):
ازيك ياشيرة انا اول مرة ادخل المدونة بس عجبتنى جددداااااااااا انا على فكرة خدت الرابط من توقيعك في منتدى لك بس المدونة بجد رووعة انا مش لاحقة ادخل كل موضوع لانهم كلهم احلى من بعض لكن دا بئة مقدرتش استحمل اطلع كده
ياريت تكتبي مقادير البسكوت اللى عملتى بيها وياريت لو ممكن بعد ازنك طريقة الاستنسل وكده انا عارفة الاستنسل كنت باستعمله في الكلية بس عاوزة طريقة عمل البسكوت بيه:)
تسلم ايديكى نسيت سؤال...
فين بيتكو بسرررررعةD:
هههههه...بيتنا فى سيدى جابر لما تعدى ابقى اندهى و انا ارد...ام خوخه اهلا بيكى..هتلاقى الوصفه فى لكى و هتلاقيها كمان على البلوج ده ألانجليزى منه ....و الاستنسل انا اللى عملته رسمت رسمه او ممكن تطبعيها و نزلتها على ورق بلاستيك تخين اسمه ورق اتنسل و بعدين فرغتها بالكاتر و خلاص.
يا رب اكون افدتك بس التفاصيل اكتر هتلاقيها فى لكى لحد ربنا ما يسهل و ازود على الموضوع
إرسال تعليق