الخميس، 15 يناير 2009

منتدى "لكى"...بيت الأمه!!

منتدى لكى ...منتدى عربى غااااايه فى الروعة ..اشتركت فيه منذ عدة سنوات لكن مشاركتى الحقيقية كانت عندما تم اختيارى ضمن التوب 22 فى مسابقة ستار شيف العرب على قناة فتافيت ... شاركت فعلا بهدف حشد المزيد من الاصوات ...و من ساعتها مش عايزة اخرج ...تجمع رائع للنساء العربيات ...مجتمع عربى جميل ...يجمعنا الحب و المودة و تكسرت بداخله كل البوابات اللى على الحدود...بنسهر نضحك مع بعض..سوريات "احلى سوريات" , مغربيات ,ليبيات , نساء خليجيات ,كمان فلسطينيات و عراقيات و لبنانيات ..يعنى جامعة دول عربية نسويه ...مش فشنك زى جامعة الدول العربية.. لغتنا واحدة و كلنا فاهمين بعض كويس و اللغة اللى جامعانا ..العامية المصريه ...مفيش حد مش فاهمنا ...ندخل مسابقات و نتنافس على احلى الاطباق و هاتك يا ضحك و روح حلوة نفتقدها فعلا هذه الايام.
المتأمل للوضع يلاقى ..ان احنا كشعوب و بالذات " العنصر النسوى" و اللى بيربى الامه ...ما عندناش اى ضغائن و لا احقاد ضد بعض ..بالعكس بنتعاون و بنعمل حاجات حلوة كتيييير ,,ما بيقدرش الزعماء العرب يعملوها و الروح السائدة ..مش هتصدقوها الا لما تدخلوا و تتفاعلوا وهتلمسوها بايديكم ..
سبحان الله ...ما يجيبها الا ستاتها....حتى و لو على مستوى المطبخ ...يعنى اتفقنا ووزعنا ادوار و انجزنا مهمات ...عجزوا الساسة الافاضل ان يصنعوا و لو واحد على عشرة مما صنعناه...
ربنا يزيد المودة بيننا ... و يجعله عاااااااااااااامر "زى ما المصريين بيقولوا".
و ل "لك" يا رب من تقدم الى تقدم .
ادعوا كل النساء و كل البنات ..اللى بيشتكوا من الفراغ او حتى المشغولات ان يتفاعلن على "لك" هيفيدوا لأن اكيد عندهم موهبة و علم قيم ..و كمان هيستفيدوا ..لأن على "لك" فطاااااااااااااحل فى كل المجالات.
رابط المنتدى اهوه و عيشووووووووووووووووووووووووا !!!!!!!!!!!!
http://www.lakii.com/vb/index.php

هناك 3 تعليقات:

ღ♥ღ Nesrin Designs ღ♥ღ يقول...

السلام عليكم
شهيرة الغالية
انا اضم صوتي لصوتك بخصوص منتدى لك الرائع

وعلى فكرة انتي نسيتي تكتبي السوريات
يالله يا حلوة عدلي واكتبيها بسرعة
ههههه
بستنى جديدك

Chahira Daoud يقول...

و السوريات احلى سوريااااااات
نسرين معلش العتب على النظر
اعذريييييييينى
شكرا على تعليقك الجميل و انك كمان نبهتينى..الله يخليكى يا جميلة.

FatenDyab يقول...

انا مبسوطة جداااااا من التوبيك دا
انا بحب منتدي لكي جدااااااااااااا واستفدت منه جدا خاصه في الكروشيه
و بصراحه لما بأطلب أي طلب منهم بيساعدوني احسن مما كنت اتخيل

ممكن كمان تعجبك المواضيع دى...يالا بينا ...

Related Posts with Thumbnails