الخميس، 9 سبتمبر، 2010

أه يا ناعمه يا غريبه !!!


أغنيه قديمه من التراث المصرى سمعتها مرة و انا صغيره أثناء حضورى احدى الافراح بالأرياف و كانت الأغنيه طبعا بتشير للعروسه مش للغريبه...الغريبه نوع بسكوت او نوع نواعم من نواعم العيد... و اثناء رحلتى مع المطابخ و الاطباق من بلاد العالم المختلفه كنت اجد لها اشباه بس الغريبه بتاعتنا احنا فى مصر غيييير اى حاجه تانيه و هقولكم ليه.... رغم اختلاف الوصفات بين الستات او الرجاله العاملين او الهواه و مع احترامى لهم كلهم الا ان وصفتى و التى اخذتها عن امى و اخذتها امى عن جدتى الى اخر السلسال...الوصفه دى هى التى افضل مذاقها و اللى بتحسسنى فعلا ان دى هى غريبة العيد بتاع زمان....الوصفه هشارككم بيها هنا هدية منى ليكم فى العيد...

الغريبه ما ينفعش تتعمل بالزبده لان الزبده زى ما احنا عارفين تحتوى على نسبة لبن و انا عايزة دسم صافى علشان الغريبه..لازم هنا استخدم سمنه و بس سواء صفراء او بيضاء المهم انها تبقى سمنه

السمنه هى واحده من تلات مكونات هى كلها من الاخر مقادير الغريبه

يالا

نص كيلو دقيق

ربع كيلو سمنه

تمن كيلو سكر بودره
متواليه هندسيه...ده مش طبخ يا معلمى دى هندزة و الله....ههههه
ندخل فى الموضوع من تانى

اضرب او اضربى السمنه مع السكر جيدا حتى يفتح لونها و تاخذ قوام كريمى

اضيف الدقيق و اعجن و كور كور صغيره و رص فى الصاجات بس اترك مسافه صغيره بين كل وحده و التانيه و ممكن تزين الغريبه بوحدات من المكسرات فسدق او بندق او حتى اللولى اللى بيتباع فى محلات مستلزمات الحلويات.

اخبز فى فرن هادئ بس يجب الحذر تماما لانها بتستوى بسرعه يجب الاسراع من اخراجها من الفرن بمجرد ما تاخد لو ن المستكه.

بس خلاص و كل سنه و انتم طيبين

شهيره داود

هناك 5 تعليقات:

غير معرف يقول...

teslam eedek ya shoushou

Salma adnan يقول...

Amazing as usual...i love you blog...your recipes are awesome

غير معرف يقول...

msa r;abina y;ekri;mik
bgad to7fa ana ba7ebaha gedan heya w el 7egazeya mama knt dayman te3milhoum bas delwa2ty nesyeit tari2thoum w ana lil 2asaf mat3alimthash bas 7agarabha isa b tari2tek thx ya gamila

Chahira Daoud يقول...

شكرا جزيلا على الكلام الحلو و التواصل الجميل

بيرفت كونتيسا يقول...

تسلم ايديك يا مصري ياعسل

شكلها لذيذه لما جربها بقولج راي

ممكن كمان تعجبك المواضيع دى...يالا بينا ...

Related Posts with Thumbnails