الثلاثاء، 24 أغسطس 2010

قطايف فى الفرن ؟؟....لما نشوووف !!

مش بس قطايف فى الفرن لا كمان استنوا الفرقعه الكبرى...
يالا بينا على الوصفه
قطايف بأى عدد وحدات تحبى.... نص كوبايه زبده او سمنه سايحه
شربات تقيل و للحشو:-
و هنا المفاجعه الكبرى... انا حشيت بخلطة التشيز كيك..ايون و مقاديرها كالتالى
120 جرام جبنه كريمى
نصف كوب سكر بودره
1 و نصف بيضه كبيره
120 جرام كريمه لبانى
و فانيليا او عصرة نصف ليمونه
بنضرب المقادير دى مع بعضها على ان تكون بدرجة حرارة الغرفه.
نيجى للقطايف اللى بندهنها بفرشه زبده من الوش و الضهر و نحطها فى قالب الكاب كيك.. و نصب فيها الحشوة اللى اتكلمنا عليها.
و ندخلها الفرن و بعد ما تحمر الحشوه بلون دهبى خفيف بنطلع القطايف و ننزلها فى شربات تقيل معد مسبقا يعنى بااااارد.
نطلعها و نسيبها تبرد خااالص و نزينها بوحدات كريم شانتى و كل اللى عندك من فاكهه... انا فى الصوره حطيت كل الفاكهه تين و جوافه و مانجه و عنب و بعدين حطى الحوار ده كله فى التلاجه علشان لما بتتاكل بارده احلى كتييير.
و كل سنه و انتم بخير.

ملحوظه مهمه جدا......حابه اوى اشوف تعليقاتكم و اراءكم لأنها هى الحاجه الوحيده اللى بتشجعنى أكمل و أكتب وصفات.
فى ناس كتير مش بتعرف تعلق...
ترك تعليق سهل جدا....هتدوس على خانة تعليقات أسفل كل موضوع و تدخل تكتب اللى عايزه و بس خلاص.
شكرا ليكم ألف شكر مقدما.
شهيرة داود

هناك 4 تعليقات:

marwa mangoud يقول...

ما شاء الله يا شوشو
مش محتاجه كلام رااائعه بمعنى الكلمه
وعلى رأى المثل ادى العيش لخبازه وانتى تستاهلى تكونى فعلا خبازه
تسلم ايديكى و افكارك

finereem يقول...

ماشاء الله لا قوة الا بالله
جامدة جدا يا شوشو
لا بجد جامدة
creative thinking

GOOGOO ALLAA ALDIN يقول...

ما شاء الله عمل متقن ورائع

اتمني ان تزيدينا من ابداعاتك

ويارب دائما متألقة

GOOGOO ALLAA ALDIN يقول...

ما شاء الله عمل متقن ورائع

اتمني ان تزيدينا من ابداعاتك

ويارب دائما متألقة

ممكن كمان تعجبك المواضيع دى...يالا بينا ...

Related Posts with Thumbnails