الجمعة، 17 يوليو 2009

عيد ميلاد يشار و محمد ..لا محمد و بعدين يشار !!

ميكى و مينى فى نزهه خلويه و المكان...نقول فى حدائق المنتزه.....!!!


مينى بتخرج مع ميكى علشان بتحبه و فاكره انه هيجوزها !!!



بس فى الحقيقه ميكى مش بتاع جواااز خاالص و فيه ميت الف حاجه فى دماغه..يعنى ميكى بتاع خروج و بس....




مينى مش مستوعبه الفكره دى و لسه بتحبه و هتفضل تحبه..بس لحد امتى؟؟؟ لازم الصابونه هو اللى يديهالها......لازم فيها عرق مصرى !!!





ميكى مفيش فى دماغه غير حاجه واحده بس و كلنا عارفينها و هى...عينيها مغميه و مش شايفه حاجه غير انها برضه بتحبه !!!




جاتها خيبه..بصوا بتبص له بهبل ازاى؟؟؟.... مينى يا حبيبتى ...ميكى مش سرحان فيكى ده بيفكر ازاى يلاقى " الموسكاداة الغامضه" يعنى من الاخر ميكى مقضيها موسكاداوات......


فهمتوا حاجه ..اتفرجوا على ديزنى شانيل و انتوا تفهموا و تقدروا حجم المأساه





ده صنف حادق لزوم العيد ميلاد و اسمه كاسادييلو...ايطالى يا مرسى و محشى سلامى و جبنه شيدر.



اه عاجبانى الارضيه حبيت افرجهالكم !!

أول حاجه هتتسائلوا يعنى ايه يشار و ده السؤال اللى سألته لمامتهم بعد ما عملت التورته طبعا ..لأن مامتهم طلبت التورته قبلها بيومين و لما اعترضت.....قالت لى ايه يا شهيره؟؟؟ ..دى تورته!! و كأنى اضربها فى الخلاط و تطلع تورته...هههه و بما انها صاحبتى فى المدرسه يعنى معرفه كده ييجى من.....سنه علشان بس ما تعدوش ورايا..مارضيتش اكح معاها و توكلت على الله !!


مامتهم كانت معايا فى نفس المدرسه و فى نفس الفصل يعنى ابو زمل فطبعا ماقدرتش اكح معاها ..بس اعلنت الطوارئ و طبقت 48 ساعة و انا صاحيه..علشان انجز المهمه لأن كان فى تورته تانيه كمان.

تورته محمد و يشار او يشار و محمد من احلى التورت اللى عملتها و انا شخصيا عاجبانى رغم انى صعب ارضى عن حاجت و اللى عجبنى فيها ان الكاراكتر طلعوا بالضبط الكراكترز الاصليين و الاهم انى عملتهم بدون اى استعانه بكتب او اى ماده علميه لان كتاب علشان يتعمل و يعلم فيه طرق كراكترز شخصيات ديزنى لازم تكون شركة ديزنى تحديدا هى اللى عاملاه و الا يصبح تعدى على الملكيه الفكريه ليهم مش السطه اللى عندنا و اللى مخليانى اتردد الف مره من اصدار كتاب و ده لانى عارفه مصيره هو التداول المجانى على الانترنت و تضيع حقوق الناس اللى طلع بوزها علشان تعمله..المهم خلينا فى العيد ميلاد ..يشار يعنى يحى او عائشه باللغه التركيه..يالا اتثقفوا بقه.. ...كل سنه و محمد و يشار طيبين و عقبال تورتة الفرح!!!

....................................................................................................................................................................................................................................................................

طيب خلاصة القصه يا حلوين و السؤال اللى بيطرح نفسه ..هل مامت مينى كانت عارفه انها خارجه مع ميكى و الا العمليه كلها فى الخباثه و انا بالصور الخطيره دى أكون عكيت الدنيا ؟؟؟؟؟؟؟


أستر يا رب....


أنا مش قصدى غير كل خير والله !!!


أه أنا قلت تورته تانيه...ثانيه واحده أجيبها و أجى ماتمشوش يا حلوين.....





بس خلاص !!!

هناك 9 تعليقات:

مجلة الأم الصغيرة يقول...

بجد فنانة بكل المقاييس
بس انت اتعلمتي فين وللا دا مجهود شخصي ؟؟
بس ما شاء الله عليكي مبدعة
سلمت يداك :)

SOUSOUKITCHEN يقول...

تسلم الايادي, ربنا يخلي لك اولادك ويحفضهم من كل سوء. بتعجبني جدا تعليقاتك, وبتمتع بيها, وانا بقراها بحس اني جنبك و بتحكيلي. اتحفيني كمان وكمان, ما شاء الله عليك.

ღ♥ღ Nesrin Designs ღ♥ღ يقول...

بسم الله ما شااااء الله
تبارك الرحمن بالايدين الفنانة
الله يسلم ايدك ولسانك الي بينقط سكر
ايه ده يا بنتي انتي فيكي عرق كوميديانه جميلة
بس مش لاقيه فرصتك :]
بعيدا عن تورتاتك واعمالك الي ما شاء الله شهادتي مجروحة فيها .. كلامك وتعليقاتك رهيبة
تحياتي الحارة والمتبلة لاحلى شهيرة بالعالم

غير معرف يقول...

التورتو تحفة يا شوشو و يشار و محمد و احمد عجبتهم جدا , انا فضلت اصور فيها كتير اكتر ما صورت محمد و يشار صحاب العيد ميلاد هههههههههه و كان صعبان عليا اقطعها بس طبعا شلت ميكى و مينى قبل ما اقطعها و ميكى راح للمسكاداوات و مينى قاعدة غلبانة مستنياه فى البيت .....
Sanaa Khafagy

Chahira Daoud يقول...

ميرسى ليكم كلكم يا جماعه على الكلام الحلو ده
قطرات تقدرى تقولى انه تعليم ذاتى
سوسو الحلوة شكرا ليكى كتيير على كلامك الحلو واضح انك كمان شاطره اوى و بتفهمى العاميه المصريه جدا جدا
نسرين شكرا ليكى يالا عايزاكى تتبنينى و تنتجى لى مسرحيه تكسر الدنيا
سناء الحمد لله انها عجبتكم و ما اخدتوش مقلب ههههه.. و حاولى تأثرى على مينى علشان تخلعه بقه.هههههه
شكرا يا حلوين

غير معرف يقول...

السلآم عليــكم ،،

بسم الله مــآشاء الله مبدعــة ،، بصرآحة طبخـك رووووعــة يسلموا ايديك أختي ،

وربنا يوفقك ويحفظلك أبنـآءك

تحيّـآتي

assiette يقول...

bravo, ton blog est super bon,j'adore, je t'invite à visiter le miens et bonne soirée

SOUSOUKITCHEN يقول...

I was just passing by , I just want to wish you a Happy Ramadan, I know that it's a little bit early, but I am afraid that Egypt will celebrate Ramadan before America ( lol).

sabah يقول...

رمضان كريم شهيرة.

ممكن كمان تعجبك المواضيع دى...يالا بينا ...

Related Posts with Thumbnails