الجمعة، 15 مايو 2009

الكرواسون و سنينه !!!

أه والله..زى ما بقولكم كده !!!
نزولا على رغبة الجماهير من التلامذة تبعى ..نظمت و لأول مرة دورة للكرواسون..و طبعا كنت عارفه العواقب الوخيمه!!
عمل الكرواسون ده علم و مش اى علم ده كمان هندسه يعنى لما قلت للمتدربات ان احنا هنشتغل بمسطره طولها متر ما كانوش مصدقين لحد ما شافوا بنفسهم !!
و كانت تحدى ليا و ليهم..ليا علشان اقدر اوصلهم خلال يومين مراحل اعداده من طقطق لسلام عليكم و ده ترتب عليه انى كان لازم اعمل 4 نسخ من العجينه علشان يشوفوا و يلمسوا كل خطوة اثناء المحاضره من غير ما يضطروا يستنوا فترات الانتظار الشهيره للكرواسون و هى 4 فترات !!
و تحدى ليهم ..عارفين ليه..فى الأول كان شرط اساسى ان اللى يتقدم للدوره يكون درس دوره المخبوزات اولا و ده طبعا علشان يكونوا اتعودوا على اللت و العجن و شربوا تكنيك الخبز و التخمير كويس و بعد كده يبقوا يفكروا يعملوا كرواسون..المهم و اللى كان حلو اوى ان كان لازم ياخدوا المحاضره و يروحوا يطبقوا فى البيت ..الأحلى يا جماعه انهم كلهم "هديل - بسنت- نانسى و كمان علا" عملوا الكرواسون و بنجاح منقطع النظير..كرواسون بتاع بلده صحيح ..و عارفين المفاجأة ان نسرين او اليمان اخدت الدورة اونلاين و عملت الكرواسون و طلع فى نفس الوقت اللى كنا بنطلعه احنا من الفرن فى مصر و نسرين شغاله معانا و من دبى.بجد أنا فخورة بيكم جدا جدا جدا.
...المهم هما مشيوا و انا اتدبست فى اربع عجاين..بس فى الاخر و على رأى المثل "صبرت و نلت" عمرت الديب فريزر بتاعى بأحلى كرواسون و كمان دانش و كمان باتيه بالشوكولا !!
يالا على الصور..دى صوره الانتاج يوم الدوره.

و دى صورة كرواسون نسرين او اليمان..


يا سلام يا نسرين يا فنانه...تسلم ايدك حبيبتى..تحيه لأحلى سوريه !!
و على ما باقى البنات يبعتوا صورهم ""أنا مستنيه يا حلوين ..حاطه ايدى على خدى و مستنيه""
برافوبجد ,,بجد برافو!!!

هناك 5 تعليقات:

may يقول...

السلام عليكم

مدونة قد اعجبتنى جدا

ما شاء الله ما شاء الله

يبدوا ان اقامتى ستطول هنا

مى من ليبيا

تحيكم

Arlette يقول...

Hello dear Chahira

what a nice course you had, sorry I didn't follow you, i was very busy with my bakings for the market

Bravo to all of you , and I am very Proud...
Hope you are feeling better my dear.

rima يقول...

hello
i'm very happy so visit your blog,it's beautifull congratulations

Mimi Cooks يقول...

Chahira, nice way to share your knowledge with others..the photos look so delicious, i could eat them and i do not like croissant
Sahtain! I can never do an online baking course!!!

souska يقول...

Very good job and your blog is cool.i hope that you will be number one in your corses.Good luck

ممكن كمان تعجبك المواضيع دى...يالا بينا ...

Related Posts with Thumbnails