الخميس، 17 سبتمبر، 2009

عمر ماكويين !!!

يا ترى مين عمر ده ؟؟؟
عمر ده طفل لذيذ و قمور و بيسمع الكلام " و بزياده شويه الاسبوع اللى سبق يوم الاحتفال بيه" :)))
عمر ابن بسنت صاحبتى كانت مامته عامله له احتفال لأنه ولد شاطر و بيسمع الكلام... و ده طبعا علشان تشجعه يكمل مسيرة الادب و الاخلاق العاليه. عمر بيعشق كل العربيات و بالذااات عربيه "lightening macqueen" و العربيه دى من شخصيات ديزنى و اللى ظهرت من خلال فيلم " cars".
لو رحتوا زرتوا عمر هتلاقوا فى اوضه نومه بوستر للعربيه ..حتى ادوات مدرسته و شنطته كمان للعربيه دى بالذات و مامته علشان تكرمه زياده حبتين طلبت منى انى اعمل لعمر تورته على شكل العربيه.....شغلت الفهامه و حبيت ان التورته تكون ثلاثيه ألأبعاد يعنى مجسمه مش مجرد رسمه على تورته او شكل للعربيه مسطح... و كانت اول مره اعمل حاجه كده يعنى شغاااله عميانى و من قالب كيك ضخم و مستطيل كانت المهمه انى انحت العربيه بكامل انحناءاتها و ابعادها و النت شغال طول الوقت و متثبت على صوره العربيه و امكانيه لفها 360 درجه علشان اشوفها من كل الزوايا و حاولت على اد ما اقدر انى احاكى الشكل الاصلى و كانت مهمه صعبه لانى للاسف ما اديلكمش اماره فى اى ماركه عربيه خااالص و لازم اسأل حد معايا عن ماركه اى عربيه معديه هى ايه دى او نوعها ايه و يعنى سعرها يطلع بكام كده يعنى... من الاخر عندى جهل تااام بالعربيات رغم انى بسوق مثلا من 6 سنين الا ان اخرى عربيتى حبيبتى 127
اصيله و الله...ههههههه
المهم التورته اتعملت و نالت اعجاب عمر باشا و كل المدعوين... و عقبال كل سنه يا عمر ..انت تعقدنا بعربياتك و انا اجرب ايدى فى كل الماركات و اهى منها ثقافه برضه.....هههههه
و كل سنه و انت طيب و مؤدب و شاطر و حلو و تسمع كلام ماما على طوووووووووول "فاكرين انتوا طبعا برامج الاطفال العتيقه و المقولات المأثوره بتاعتها"" هيييه كانت ايام !! القناه الاولى و التانيه من امامكم و الملل من وراءكم فكنا بنستسلم و ليس لنا خيار اخر :)))
هسيبكم مع الصور يا حلوييين.....

و العجله اهه يا عم كمان منفوخه و متظبطه على الاخر...:))))

هناك 4 تعليقات:

sabah يقول...

عيد مبارك سعيد وكل سنة وانت طيبة.

jouhayna يقول...

aid moubarak said
santé et prospérité inchallah que le bonheur soit sur toi
amicalement

ღ♥ღ alyaman ღ♥ღ يقول...

ما شاء الله يا شوشو
نشيطة ومثقفة كاعادة ههههههههه
تبارك الله
اهو كدة اشتقنا لجديدك المتجدد دوما
الله يسلم ايدك يارب

souhad يقول...

ماشاء الله ولا حول ولا قوة الا بالله كلمة روعة على شغلك قليلة في حقك لانك بلفعل مبدعة واصلي واحنا متابعينك
وعلى فكرة دمك كتير حلو شربات

ممكن كمان تعجبك المواضيع دى...يالا بينا ...

Related Posts with Thumbnails